રૃા. પાંચ લાખ સુધીના પગારદારોને માત્ર રૃા. ૩૦૯૦ની રાહત આપી

- ટેક્સ સ્લેબમાં કોઈ જ ફેરફાર કરવામાં ન આવ્યો

૫ લાખથી કે ૧૦ લાખથી વધુની આવક ધરાવનારાઓને નાણા મંત્રી દ્વારા કોઈ જ રાહત આપવામાં આવી નથી

(પ્રતિનિધિ તરફથી) અમદાવાદ,તા.૨૯
ભારતના કરોડો પગારદારોને હતાશ કરતાં નાણાં મંત્રી અરુણ જેટલીએ રૃા. ૫ લાખ સુધીના પગારદારોને માત્ર રૃા. ૩૦૯૦ની નજીવી રાહત આપી છે. પાંચ લાખ સુધીના પગારદારોન વેરામાં અત્યાર સુધી રૃા. ૨૦૦૦ની રાહત આપવામાં આવતી હતી તે વધારીને રૃા. ૫૦૦૦ કરી દેવામાં આવતા તેમને વધાારના રૃા. ૩૦૦૦નો લાભ મળ્યો છે. તેના પર લેવાતા સરચાર્જનો તેમાં ઉમેરો કરવામાં આવે તો રાહત રૃા. ૩૦૯૦ની થાય છે. બીજી તરફ નાણાં મંત્રીએ રૃા. ૫ લાખથી ૧૦ લાખની અને રૃા. ૧૦ લાખથી વધુની વાર્ષિક આવક ધરાવતા કરદાતાઓને કોઈ જ રાહત આપવામાં આવી નથી.
નાણાં મંત્રીના આ બજેટથી નોકરિયાત વર્ગ અને સરકારી નોકરિયાત જરાય આકર્ષાયા નથી. ત્રણ ટકા સરચાર્જ સાથે આવકના જુદાજુદા સ્લેબમાં લાગુ પડનાાર આવકવેરાની વિગતો નીચે મુજબ છે. આ ગણતરીમાં આવકવેરો બચાવવા માટે જુદી જુદી કલમો હેઠળ કરવામા આવતા રોકાણને કારણે મળતા લાભને ગણતરીમાં લીધા વિના જ રૃા. ૧૦ લાખ સુધીની વાર્ષિક આવક ધરાવનારાઓને વેરાની કેટલી બચત થશે તેની વિગતો આ સાથે જ નીચેના બોક્સમાં આપવામાં આવી છે.
જોકે અરુણ જેટલીએ તેમના બજેટ મારફતે કલમ ૮૦ જીજી હેઠલ હાઉસ રેન્ટના ડિડક્શનની રકમ વાર્ષિક રૃા. ૨૪૦૦૦થી વધારીને રૃા. ૬૦,૦૦૦ કરી આપી છે. એચઆરએ ન લેનારાઓને રૃા. ૬૦,૦૦૦ સુધીની રકમ કલમ ૮૦ જીજી હેઠળ બાદ આપવાની જોગવાઈ કરી આપવામાં આવી છે. આ માટે તેમણે ત્રણ કન્ડિશન પણ મૂકેલી છે.
એક વ્યક્તિગત કરદાતાને કે પછી હિન્દુ અવિભક્ત પરિવારને જ કલમ ૮૦ જીજી હેઠળ ચૂકવેલું ભાડું બાદ મળી શકે છે. બીજું, આ નોકરિયાત સ્વરોજગાર મેળવતો હોવો જોઈએ અથવા તો તે પગારની આવક ધરાવતો હોવો જોઈએ. ત્રીજું, કરદાતા કે તેમની પત્ની અથવા તો સગીર વયના બાળકને નામે તે જે સ્થળે નોકરી કરતો હોય કે વ્યવસાય કરતો હોય તે સ્થળે કોઈ જ ઘર હોવું ન જોઈએ. આ સંજોગોમાં જ તેમને કલમ ૮૦ જીજીનો લાભ આપવામાં આવશે. કલમ ૮૦ જીજી હેઠળ ડિડક્શન મેળવવા ઇચ્છતા કરદાતાએ ઉપર જણાવેલી તમામ શરતોને આધીન રહીને આ રાહત મેળવવા માટે તે પાત્રતા ધરાવે તેવી જાહેરાત તેણે ફોર્મ નંબર ૧૦ બીએ મારફતે કરવાની રહેશે. આ રાહત મેળવવામાં કોઈ પણ શરતનો ભંગ થતો નથી તે જણાવવું પડશે. આમ વધારાનો રૃા. ૩૬૦૦નો વેરા લાભ પણ કરદાતાઓને મળશે. વાર્ષિક રૃા. ૫ લાખ સુધીની આવક ધરાવનારા કરદાતાઓને આ લાભ મળશે.
મહિને રૃા. ૫૦૦૦નું ને વર્ષે રૃા. ૬૦૦૦૦ની રાહત આપતી જોગવાઈનો લાભ લેવા ઇચ્છતી વ્યક્તિ વાર્ષિક રૃા. ૩ લાખની આવક ધરાવતો હોય અને રૃા. ૧.૫ લાખનું ભાડું ચૂકવતો હોય તો તેને મહિને રૃા. ૫,૦૦૦ ને વર્ષે રૃા. ૬૦૦૦૦ બાદ મળી શકે છે.
તેની ગણતરી કંઈક આ રીતે કરવામાં આવે છે. ત્રણ લાખની આવકમાંથી રૃા. ૧.૫ લાખ ભાડું ચૂકવે છે. કુલ આવકરમાંથી ૧૦ ટકાની બાદબાકી કરવામાં આવતા બીજી રૃા. ૩૦,૦૦૦ની આવક થાય છે. આમ તેની કુલ આવકમાંથી રૃા. ૧.૮ લાખ બાદ થઈ જાય છે. તેને રૃા.૬૦૦૦૦ આવકમાંથી બાદ મળી જાય છે.

નિવૃત્તિ સમયે EPFનો ઉપાડ મોંઘો પડશે : ૬૦ ટકા રકમ પર ટેક્સ લાગશે

- સરકાર ત્રણ વર્ષ સુધી નવા કર્મચારીઓનો EPF ફાળો ભરશે

નવી દિલ્હી, તા. ૨૯
નાણા પ્રધાન અરુણ જેટલીએ કરેલી જાહેરાતથી નિવૃત્તિ સમયની તમારી બચતમાં નોંધપાત્ર ઘટાડો થઇ શકે છે. નાણાપ્રધાને કરેલી જાહેરાત મુજબ નિવૃત્તિ સમયે નેશનલ પેન્શન સ્કીમ(એનપીએસ) અને એમ્પલોઇ પ્રોવિડન્ટ ફન્ડ(ઇપીએફ)ના નાણા ઉપાડતી વખતે તેના પર આંશિક સ્વરૃપે ટેક્સ વસૂલ કરવામાં આવશે.
ઇપીએફની રકમ પર અત્યાર સુધી ટેક્સ વસૂલવામાં આવતો ન હતો. ઇપીએફમાં નાણા રોકવાના સમયે, રકમ પર મળતી વ્યાજની રકમ અને ઉપાડતી વખતે કોઇ પણ જાતનો ટેક્સ વસૂલ કરવામાં આવતો ન હતો. બેન્ક ખાતામાં જમા થતી એનપીએસની રકમ પર ટેક્સ વસૂલ કરવામાં આવતો હતો.
૧ એપ્રિલ, ૨૦૧૬ પછી ઇપીએફની કુલ રકમના ૬૦ ટકા પર ટેક્સ વસૂલવામાં આવશે જ્યારે ૪૦ ટકા રકમ પર ટેક્સ વસૂલવામાં આવશે નહીં. એનપીએસમાં હાલમાં નિવૃત્તિ સમયે જેટલી રકમ જમા થઇ હોય તેની ૪૦ ટકા રકમનો એન્યુઇટી પ્લાન ખરીદવાનો હોય છે જ્યારે બેંકમાં જમા થતી ૬૦ ટકા રકમ પર ટેક્સ વસૂલ કરવામાં આવે છે. નવા કર્મચારીઓનો એમ્પલોયી પ્રોવિડન્ટ ફન્ડ(ઇપીએફ)નો ૮.૩૩ ટકાનો ફાળો ત્રણ વર્ષ સુધી સરકાર ભરશે તેવી જાહેરાત નાણાપ્રધાન અરુણ જેટલીએ બજેટ દરમિયાન કરી હતી. પોતાનું ત્રીજું બજેટ કજૂ કરતા જેટલીએ જણાવ્યું હતું કે ૧૫,૦૦૦ સુધીનું માસિક પગાર ધરાવતા કર્મચારીઓને આ લાભ મળશે. જેટલીએ ૨૦૧૬ના બજેટમાં નવી ઇપીએફ સ્કીમ માટે ૧૦૦૦ કરોડ રૃપિયા અલગ ફાળવ્યા છે.

વર્ષે એક કરોડથી વધુની આવક પર સરચાર્જ વધીને ૧૫ ટકા કરાયો

- સુપર રિચના ખિસ્સા પર સતત બીજા વર્ષે પણ કાતર ફરી

સુપર રિચ પર યુપીએ સરકારે લાદેલા સરચાર્જમાં એનડીએ સરકારે ત્રણ ટકાનો વધારો કર્યો

(પીટીઆઇ) નવી દિલ્હી તા. ૨૯
નાણા પ્રધાન અરૃણ જેટલીએ સુપર રીચ પર લાદવામાં આવેલા સરચાર્જમાં ત્રણ ટકાનો વધારો કર્યો છે, જેને પગલે હવે સરચાર્જ ૧૫ ટકા ચુકવવો પડશે. જે લોકોની વાર્ષિક આવક ૧ કરોડ કે તેથી વધુ હોય તેમના પર આ ટેક્સ લાદવામાં આવ્યો છે.
અગાઉ ૧૨ ટકા સરચાર્જ હતો જેમાં વધારો કરી ૧૫ ટકા કરવામાં આવ્યો છે. સૌપ્રથમ ૨૦૧૩-૧૪માં યુપીએ સરકારમાં નાણા પ્રધાન પી. ચિદંબરમે આ સરચાર્જ વાર્ષિક એક કરોડ કે તેથી વધુની આવક ધરાવતા લોકો પર લગાવ્યો હતો, જોકે તે સમયે સરચાર્જ ૧૦ ટકા જ હતો, જે વધીને હવે ૧૫ ટકા સુધી પહોંચી ગયો છે.
ઉલ્લેખનીય છે કે ગત બજેટમાં અરૃણ જેટલીએ વેલ્થ ટેક્સને રદ કર્યો હતો અને તેની જગ્યાએ એક કરોડ કે તેથી વધુની વાર્ષિક આવક ધરાવનારા પર લાદવામાં આવેલા સરચાર્જમાં બે ટકાનો વધારો કર્યો હતો અને હવે એક જ વર્ષમાં ત્રણ ટકાનો વધારો કર્યો છે. એટલે કે એનડીએના શાસનમાં સુપર રીચ પરના સરચાર્જમાં પાંચ ટકાનો વધારો થયો છે.

તલાટી, PSI, ASI, GPSC, TET, TAT, HTAT, Constable ની પરીક્ષા માટે જનરલ નોલેજ ની તૈયારી કરો online... અહીક્લિક કરો online તૈયારી માટે....!!!

પરીક્ષાની online તૈયારી માટે અહીં ક્લિક કરો.

Get Government or Education Exam Material Online (GSG) Click Here

સ્પ્ર્રઘાત્મક અને ગર્વમેન્ટ પરીક્ષા ની તૈયારી અને મટેરીઅલ મેળવવા માટે અહી કિલ્ક કરો.

Click Here Download Education Product Price List (GSG)

Source :-http://gujaratsamachar.com

Products :-CPU, Motherboard, RAM, HDD, LCD – LED, Keyboard, Mouse, DVD Writer, SMPS, Speaker, Battery, Adapter, Cooling Pad, Screen Guard, Bag, Internet Dongles, Blank CD – DVD, Pen drive, Web Camera, Microphone, Headphone, External CD Drive, Cables, Projector, Scanner, Printer, Education CD - DVD etc…
More Products List Click Here

Note :- Purchase any products just email inquiry.gsg13@gmail.com

Published By :-

Gayatri Solution Group

{ Jayesh Patel} (Live In :- Gujarat)

Website :- http://gayatrisolutiongroup.com/

Website :- https://sites.google.com/site/gayatrisolutiongroup/

Blog :- http://gayatrisolutiongroup.blogspot.in/

Email :- inquiry.gsg13@gmail.com